Да повториме, оговарањето повеќе кажува за тебе отколку за тој што збориш. Освен ако си сељак, тогаш ништо не губиш.

Како функционираат нештата?

Плачење, чешање, сонување, плацебо...

Ние луѓето сме интересни феномени за посматрање, ако има кој да нè посматра. Правиме толку чудни нешта на кои сме тотално навикнати и никогаш не сме се запрашале што всушност се случува во позадина.

На пример:

  1. Плачење

Бебињата плачат затоа што не знаат како поинаку да бараат храна, внимание, топлина… Тагата е нормално чувство, но што со солзите? Се верува, но не е докажано дека манифестираме тага со плачење поради тоа што сакаме да алармираме кај присутните дека ни е потребна емпатија. Сепак, еволуциската позадина на солзите уште е мистерија.

  1. Смеење

Како спротивно на плачењето, смеењето исто така е социјална алатка, која покажува дека со некого сме во ред, дека ни годи присуството, дека тоа што го кажува е забавно. Но, како овој рефлекс се развил во текот на еволуцијата? Уште не се знае.

  1. Плацебо ефект

Милион пати е докажано дека во пракса, плацебо постои и стварно влијае како реален лек. Постојат илјадници примери во кои на луѓе им биле давани плацебо-лекови и тие се чувствувале веднаш подобро. Дали сме толку подложни на сугестија или нешто навистина се случува во нашиот мозок кога ќе испиеме такво апче и понатаму е предмет на истражување.

  1. Чешање

Во кој момент од историјата човекот сфатил дека ако го касне инсект и ако го чеша, може тоа да го направи со сопствените нокти. Она што мене уште повеќе ме интересира е зошто штом еднаш се зачешаме, не престануваме додека не отвориме крвава рана на местото?

  1. Сонување

И околу соновите има различни претпоставки и толкувања. Јасно е зошто спиеме, на телото му треба мир за да ја обнови енергијата. Но, за што ни користи сонувањето. Една од теориите е дека се тренираме за подобро справување со реални ситуации.

  1. Птиците преселници

Зошто некои птици се селат на југ (ластовичките), а некои остануваат тука (гугутките и врапчињата)? Една од претпоставките е дека на вториве не им треба толку храна, друга е дека знаат како да зачуваат енергија за да преживеат зима, трета е дека не можат да прелетаат толкави растојанија.

  1. Обична настинка

Постојат мал милион терапии за тешки болести, но кога ни се случува сезонска настинка комбинираме парацетамоли, чаеви, супи и витамини и се молиме нешто да помогне. Не се лечи со антибиотик, нема вакцина, нема универзална терапија, а и цела среќа што не е опасно по живот. Што ја предизвикува? Промаја, боси нозе по паркет, мокра коса надвор, бирајте…

Tags
Back to top button
Close