Јас сум од оние што трга да купи штикли и се враќа дома со патики

Фустани што мора да ги имате во лето

Или барем еден од нив

Летото е симбол на лежерност, на леснотија, на убави фустани комбинирани со соодветни сандали, на храбри дезени, на лесни материјали кои нема да ве потат и во кои нема да се чувствувате како заробени во најлонска вреќа.

Како што и очекуваме, во летните трендови не можеме да поминеме без познатиот макси-фустан, кој најчесто е или на прерамки или со кратки ракавчиња. Битно е да е долг, многу долг, да ги покрива целите нозе, но и доволно широк за да не ни биде жешко и да овозможува проток на воздух кој ќе нè лади.

Белиот летен фустан одлично оди со исончана кожа, дури и кога шансите да одиме на одмор се мали (како годинава). Во овој случај го избирате моделот што ви стои, тесен, широк, долг, макси, мини, и го комбинирате буквално со сè што сакате.

Слип-фустаните се оние елегантни и нежни фустани кои на прв поглед личат на ноќница, но всушност беа многу популарни во 90-тите. Се комбинираат со наметки, елегантни сандали и дискретен накит.

Со цветното дезенче нема да погрешите во никој случај. Единствено треба да го одберете моделот соодветен на пригодата, дали е секојдневна или поофицијална. Летото е весел период, па цвеќенцата се и повеќе од препорачливи како дел од вашиот стил.

Точки во различни бои и големини – апсолутно секогаш се модерни и ефективни, за сечиј стил. Не мора да е фустан на крајот на краиштата, можете да ги вметнете и со помош на маичка, чанта или марама.

Tags
Back to top button
Close