Познавам луѓе на кои душата им е позагадена од воздухов!

Остани своја кога си во врска

Не го губи идентитетот

Кога започнува врска, до одредена доза е нормално и едниот и другиот партнер да се променат, со цел да се адаптираат еден на друг и да ја пронајдат златната средина која ќе им помогне заеднички да функционираат.

Но, ако почнат вашите блиски да ви приговараат дека покрај партнерот не сте свои, дека премногу се прилагодувате на него и наеднаш, ненадејно почнуваат да ве интересираат само нешта кои го интересираат и него, тогаш редно е да се запрашате дали го губите своето јас? Не, другарките не ви се љубоморни на среќата. Не, ниту семејството не ви љубомори, ниту завидува.

И не, ако не ви се допаѓа новата серија на Нетфликс вас, а на партнерот му е прејака, нема потреба да глумите дека ви е интересна. Не мора ни да глумите дека ве интересира спорт, ниту козметика, ниту автомобили, ниту мода, со цел да одглумите компатибилност и да се лажете себе дека сте исти.

Па, да видиме вака:

  1. Прво ти, после партнерот

Не дозволувај да занемариш како ти се чувствуваш, само затоа што си сконцентриран/а на врската и на потребите на партнерот. Стави ги своите чувства и потреби како приоритет. Ова е првиот чекор во избегнувањето да се изгубиш себе.

  1. Научи повеќе за приврзаноста

Луѓето со полошо ментално здравје, понестабилни емоции и нарушена самодоверба постојано имаат потреба партнерот да ги афирмира. Иако ви се чини како надополнување еден со друг, вистината е дека се создава нездрава врска на зависност од туѓото одобрување.

  1. Задржи ја автентичноста

Ако пред врската си имала одредена омилена храна, физичка активност, музика, места за патување и одмор, а сега наеднаш не можеш на пола од нив да се сетиш, тогаш ја имаш изгубено сопствената автентичност и својот нов идентитет го градиш врз омилените нешта на партнерот.

  1. Дозволи си и малку ранливост

Откриј некои делови од себе пред партнерот кои те прават ранлив/а. Тоа е еден сигурен метод да откриеш дали ќе има разбирање и емпатија или ќе ти се потсмева на ранливоста и ќе ја употреби подоцна против тебе. Не останувај со некој што ќе го прави второто.

Дури и кога сме со вистинскиот партнер, не е поентата да станеме хомогена маса на мисли, ставови и верувања. Колку поавтентични сте, толку поголеми се шансите и да го задржите своето „јас“, но и да формирате врска која ќе се заснова на вашата уникатност и индивидуалност, создавајќи реална, а не привидна компатибилност.

Tags