Каменот од блиску доаѓа ама Ина може да дојде од подалеку – стара народна поговорка

Емоционално недостапните луѓе можат да сакаат

Ама нејќат многу драма

Емоционално недостапните луѓе (ЕUP) не можат да воспостават или одржат длабоки емотивни врски со другите. За нив е тежок предизвик да ги изразат своите чувства, да споделуваат лични искуства или да пружат емоционална поддршка на своите партнери или сакани. Тешко се објаснува емоционалната недостапност, но да видиме низ неколку примери:

Страв од интимност: емоционалната недостапност често произлегува од стравот од интимност. Емоционални рани или трауматски искуства од минатото можеби ги натерале личностите да градат заштитни ѕидови околу себе, што им отежнува да веруваат и да се отворат кон другите.

Тешкотии со изразување емоции: овие лица може да имаат проблем да ги идентификуваат и изразат сопствените емоции. Нив им е непријатно да разговараат за лични работи, а нечесто и избегнуваат разговори кои бараат ранливост или претерана емпатија.

Дистанцираност: Емоционалната недостапност често се рефлектира со оддалеченост во однесувањето. Тие може да подистанцирани, отсутни или да не реагираат на емоционалните провокации. Тие, исто така, може  да имаат потешкотии со емпатијата и да ги разберат или да се поврзат со чувствата на другите. Но, тоа не значи дека немаат емпатија.

Избегнување на посветеност: Емоционалната недостапност често води до страв од посветеност во односите. Тие може да избегнуваат долгорочни обврски или може да се бават исклучиво со површни врски за да избегнат подлабоко емоционално вклучување што доаѓа со посветеноста во една врска.

Давање приоритет на независноста: Независноста е од клучно значење за емоционално недостапните поединци. Тие може да им дадат приоритет на личните определби, работата или хобиите пред романтичните врски. Тие, исто така, може да имаат потешкотии со балансирање на сопствените потреби и со потребите на другите.

Неконзистентна комуникација: Комуникацијата со емоционално недостапни луѓе може да биде неконзистентна. Тие може да се повлечат или да се оддалечат без објаснување, што ќе доведе до конфузија и фрустрација за нивните партнери или сакани. Но, ова нема врска со емотивна манипулација од типот на гоустинг или топло-ладно, овие луѓе не го прават тоа за да ве искористат.

Недостапни партнери: Не е невообичаено емотивно недостапните поединци да привлечат или да бидат привлечени од партнери кои имаат  емоционална недостапност. И не значи дека меѓу себе одлично ќе се сложуваат, но, нема да бидат толку оптеретени како со многу емотивни партнери.

Емоционалната недостапност не е нужно постојана состојба. Со самосвест, личен раст и потенцијална терапија, поединците можат да работат на развивање поздрави емоционални врски. Сепак, од клучно значење е да поставите граници и да се грижите за сопствената емоционална благосостојба кога работите или сте во врска со емоционално недостапни луѓе, може да предизвикаат многу фрустрации и стрес. Може да се чувствувате повредени или разочарани ако имате големи емотивни очекувања од нив кои тие не можат да ги испорачаат. Но, доколку сакате да се прилагодите и да најдете некаква средина почнете со тоа што нема да ги гушите со непотребни емотивни драми, тие тоа не го разбираат и може само да ги оттурнете од себе.

Тоа што е важно да знаете е дека емоционално недостапните луѓе не се само за вас недостапни. Тоа е нивниот емотивен капацитет кон сите, затоа немојте да го сфаќате тоа лично или да паѓате со самодовербата. Доколку разговарате отворено и личноста сака да биде со вас, можеби би нашле некоја средина каде ќе можете да се усогласите. Од емоционално недостапните луѓе не можете да очекувате некои длабоки релации или љубови како во романтичните филмови, тие се поладни и не сакаат многу да се бават ни со своите, а не па со туѓите емоции. Но, емоционално недостапните луѓе секако можат да се заљубат, само ќе им биде потешко да препознаат кога тоа ќе се случи и да ги пренесат своите чувства со зборови.

 

 

Tags
Back to top button
Close