Француската кујна била најдобра…и мојата е добра само уште висечи да ставам

Марија Калас, божицата на гласот

Најголемата оперска ѕвезда во историјата

Марија Калас е грчка оперска пејачка, која имала еден од најголемите гласови во историјата на музиката. Таа е родена на 2 декември 1923 година во Њујорк, но расте во Грција. Родителите кои биле преселени во Америка пробале да им пружат убав живот на децата, но по смртта на таткото,  мајка ѝ ги враќа неа и сестра ѝ во Грција и убедена во талентот на Марија почнува да ѝ го школува гласот. Гласот на Марија бил нешто нечуено до тогаш за професорите.

Марија Калас после школувањето се вратила во Америка и станала светски позната поради нејзината извонредна гласовна дарба и сценска присутност. Таа настапувала на најпрестижните оперски сцени во светот, вклучувајќи ги Миланската Скала, Виенската државна опера и Ројал Опера во Лондон. Настапувала во бројни оперски улоги, но најпознатата и најценетата била нејзината интерпретација на улогите на Виолета во „Травијата” од Верди и Медеа во „Медеа“ на Черубини. Нејзината изведба била толку интензивна и драматична што и ѝ донела светска слава. Таа настапила во оваа улога на бројни сцени, вклучувајќи ја и Миланската Скала, каде била прогласена за најдобрата Медеа во историјата на операта.

Гласот на Марија Калас се смета за еден од највлијателните гласови во историјата на оперската музика. Критичарите го опишувале како богат, емотивен и силно експресивен. Таа имала способност да го пренесува драматичниот аспект на своите улоги со извонредна интензивност. Нејзиниот глас имал изразена емотивна моќ и способност да ги пренесува чувствата.

Велат дека имала голема флексибилност во својот глас, што и ѝ овозможувало да изведува разни оперски улоги, вклучувајќи ги и лиричните и драматичните. Била мајстор на оперската техника и ја разбирала одлично артикулацијата, фразирањето и динамиката, па можела да изведува критички тешки партии со голема прецизност и експресија.

Приватно била екстремно емотивна што ѝ донело само проблеми. Иако приказната за неа и Оназис ќе ја сретнете како една од најголемите љубови на векот, тоа не е точно. Нивниот однос бил екстремно токсичен и влијаел на кариерата на најголемата оперска ѕвезда.

Односот помеѓу Марија Калас и Аристотелес Онасис бил еден од најпознатите и скандалозни љубовни односи во светската јавност на средината на 20-тиот век Марија Калас и Аристотел Оназис се запознале во 1959 година, кога таа настапувала во Грција. Оназис тогаш бил еден од најбогатите луѓе во светот ама немал слава и немал статус. Веднаш се заљубуваат еден во друг и започнуваат скриена афера. Оназис тогаш бил во брак со својата супруга, Тина Оназис која била богата наследничка на шипинг империјата Ливанос, со која имал две деца. Поради јавниот однос со Марија Калас, Тина се развела од него во 1960 година. Марија Калас исто така тој период била мажена со Џовани Батиста Менини од кој се разведува за да се омажи со Оназис. Ама тој не ја запросува никогаш.

По разводите, Марија Калас и Аристотел Оназис почнале да живеат заедно. Тие се преселиле во “Вила Скорпиос,” на острвото Скорпиос на Јонско море, близу Лефкада. Тоа било нивно место на одмор и било центар на различни друштвени настани и луксузни вечери. Односот помеѓу Калас и Оназис бил обележан со многу скандали и конфликти. Оназис имал репутација на женкар, и неговите врски со други жени предизвикувале незадоволство кај Калас. Тој исто така сакал да ја угуши нејзината оперска кариера и да му служи како трофеј, па настапите на Марија станувале поретки. Оназис и Калас се разделиле во 1968 година, и тоа било траума за Калас што се одразило на криза во нејзината кариера. Оназис се оженил со Џеки Кенеди и се вселиле на Скорпиос. Она што треба да го знаете за Оназис е дека буквално сите жени ги користел за статус и профит. Бил суров и токсичен лик кој преку таткото на првата жена ги прави парите, преку Марија влегува светскиот џет сет и добива медиумска популарност, а преку Џеки Кенеди го добива статусот. Исто така и Џеки ја понижува јавно во животот.

И како тоа да не било доволно, Марија Калас го губи гласот. Има разни теории и сепак не е крајно докажано зошто го изгубила гласот но најверојатната теорија е дека Марија Калас била подложена на интензивен стрес и лични проблеми, вклучувајќи ги и скандалите околу нејзиниот однос со Оназис. Била позната по своите страстни и интензивни настапи, кои често биле физички и емотивно напорни. Овие стилски избори можеби го подложиле нејзиниот глас на дополнителен товар и напон, што со време резултирало со деградација на нејзиниот глас. Сите пејачи, вклучувајќи ги и оперските пејачи, имаат граници на својата вокална одржливост. Нејзиниот глас можеби го истрошила од прекумерни настапи и репетиции па така подложен на  физички и здравствени проблеми влијаело на нејзината вокална перформанса.

Сепак, важно е да се има предвид дека причината за губење на гласот на Марија Калас сè уште останува предмет на спорови и сепак не е крајно докажана. Таа продолжила да настапува и по губењето на својот првобитен глас, но со забележлива разлика во квалитетот на нејзините настапи.

За жал, Марија Калас починала на 16 септември 1977 година во Париз, Франција, на само 53 години. Нејзината смрт остана обележена со мистериозни обвинувања и сепак не е крајно разјаснета.  Нејзиниот глас и настаните се запамтени во историјата на оперската музика како никогаш чуено нешто и никогаш повторено. Марија Калас останува единствената оперска пеачка со светска слава и статус на ѕвезда.