Читањето е како сонување со отворени очи

Читање книги е засекогаш најинтересно. Некогаш кај нас знаеме да се изгубиме во преводот ама среќа можеме да ги нарачаме, да ги симнеме или да ги слушаме како аудио книги. За мене, мирисот на книгата, кога ги листам страниците е нешто што ми дава дополнително уживање во патувањето.

Ќе ви препорачам неколку, не знам дали се продаваат кај нас.

Ако сте фанови на The Chronicles of Narnia и фантастични бајки за возрасни, имам убава вест за вас. Книгата Legends of Lemuria од Allie Michelle е фантастична приказна сместена во дистописка иднина. Главниот лик, Зија Александер, живее во рушевини и учествува во најзабранетата и најзависничката виртуелна реалност. По загубата на својата мајка, Зија игра за да ја добие својата шанса за слобода. Таа открива мапа што ја води до Лемурија – мистичен свет исполнет со змејови, злобни самовили и платени убијци. Таму дознава дека нејзината мајка е жива, а истовремено двајца принцови се натпреваруваат за нејзината љубов.

The Guilty Twin од Holly Riordan е мистериозен трилер што се врти околу исчезнувањето на Faith Flynn и тајните што главните ликови ги кријат повеќе од една деценија.

Приказната ја следи Evan, која се враќа во својот роден град по разводот, само за да започне да добива пораки од Faith – нејзина стара пријателка што исчезнала пред десет години. Истовремено, Fiona, сестрата близначка на Faith, која сите ја обвинуваат за убиство, исто така прима слични пораки. Како што годишнината од исчезнувањето се приближува, мистеријата станува сè подлабока, а опасноста за главните ликови сè поголема.

Книгата има атмосфера што наликува на вистински криминални случаи, а нејзините ликови се сложени и полни со лични трауми.  Малку потсеќа на Gone Girl.

The Poet’s Girl од Sara Fitzgerald е историски роман инспириран од вистинската приказна за Емили Хејл. Емили Хејл (1891–1969) била американска академичарка и театарска режисерка, најпозната како муза и љубов на поетот Т.С. Елиот. Тие се запознале во младоста, а Елиот ѝ испратил повеќе од 1.000 писма, кои биле откриени дури во 2020 година. Иако Хејл го сакала, нивната врска никогаш не резултирала во брак. Елиот, кој бил заглавен во проблематичен брак со Вивиен Хејг-Вуд, подоцна ја негирал својата љубов кон Хејл. Таа останува важна фигура во неговиот живот и во книжевната историја. Книгата ја оживува нивната сложена врска, која останала во сенка на поетовата слава. Хејл никогаш не ја раскажала својата страна на приказната, а Елиот наредил нејзините писма до него да бидат уништени.

Читајте книги!