Време за диета

Дојде топлото малце порано, време е за диета. Просто е, помалку калории, повеќе протеин, само така се слабее. Ќе ти предложам еден оброк кој може да го носиш и на работа и кој не е досаден да го јадеш неколку пати во неделата. Ова не е “малку листови за да не ми е тешко на душата”, ова е салата што влегува во просторија и знае колку протеин носи со себе. За една порција, вака стојат работите — прецизно, по грам, без лажење.

Ставаш 75 грама спанаќ. Ниско-калоричен, тој носи цели 15 калории и 2 грама протеин. Не е многу, тој ти е како другар што не прави драма, ама ти е тука кога треба.

Потоа доаѓа 100 грама сварена киноа. Киноа затоа што обичен ориз е “so last season”. Киноата доаѓа со аура на здравствен guru и тивко ти шепка: „Јас сум протеин, ама фин.“ Таа ти дава околу 120 калории и 4 грама протеин.

Сцената ја краде 100 грама печено пилешко. Протеинот што ја спасува салатата од тоа да биде само фотогеничен декор– 165 калории и околу 31 грам протеин. Ова е делот што ти дозволува да кажеш „јадев салата“, а всушност да си сит како после ручек кај баба.

Додаваш 50 грама бобинки – 25 калории, пола грам протеин, ама 100% естетика. Тие се таму за да изгледа како да имаш баланс во животот.

Ставаш 15 грама фета – околу 40 калории и 3 грама протеин. Малку солена, малку драматична, тамам колку што треба.

И 10 грама бадеми – 60 калории и 2 грама протеин. Крцкаат како да коментираат сè што се случува во чинијата.

Па доаѓа дресингот.
1 лажица маслиново масло (10 грама) – 90 калории. Тивки, ама сериозни.
Малку мед и сенф – уште околу 15 калории, чисто за да не биде врската премногу кисела.

Тука имаш отприлика 500–550 калории и околу 40–45 грама протеин. Ова е салата што ти вика: „Јас сум избалансирана, ама и знам што сакам.“ Јадеш зелено, ама градиш мускул. Изгледа лесно, ама е сериозен оброк. И најважно – не глуми дека е нешто што не е. Баш како што треба.