Луѓето со кои не се дружите приватно, а ви поставуваат прашање за вашата приватност се сељаци. Не љубопитни, онака баш сељачишта.Нема на што.

Брзото приврзување е сè, само не љубов

Контролирајте ги емоциите

Дали некогаш сте влегле во нова врска со игнорирање на сите црвени знамиња? Не можете да поднесете да бидете сами? Или само по еден или два состаноци, почнувате да верувате дека секој маж со кој излегувате може да биде „вистинскиот“?

Ако одговорот на некое од овие прашања е да, вие брзо се врзувате и постојат неколку причини зошто е тоа така.

  1. Едноставно ги сакате луѓето

Можеби сте од оној посебен вид на луѓе кои не можат, а да не го сакаат секој човек! За вас е сосема нормално чувството да се приврзете кон некого, дури и ако се работи за сосема случајна личност. Побрзо се поврзувате со луѓето ако уживате во стекнување нови пријатели, интелектуални разговори и генерално поминување многу време со другите, особено ако сте вклучени во љубовна врска. Дали е ова лоша работа? Одговорот е и да и не. Имањето големо срце никогаш не може да ви биде штетно ако сте добар судија за карактерот. Ама вие најверојатно не сте баш, инаку не би ви било проблем што се врзувате брзо и не би го читале сега ова.

  1. Потребен ви е некој друг да ве направи среќни

Ако сте еден од оние луѓе кои едноставно не можат да го поднесат фактот дека се сами и секогаш имаат потреба од некој покрај себе за да се чувствуваат целосно комплетни, тогаш постои голема веројатност дека и вие пребрзо се врзувате за луѓето. Без разлика колку таа личност ве прави среќни за момент, минута, час или цел живот… Ништо не е важно ако не сте среќни кога сте целосно сами. Има една изрека која вели: „Не обидувај се да најдеш некој друг ако не си се пронашол себе си.“ Ако оваа среќа не се постигне, тогаш ќе го поминете целиот свој живот обидувајќи се да најдете некој кој ќе ја оствари. Работете на себе и најдете што ве прави среќни и дајте си го тоа, исто како што го правите тоа за другите кога сакате да ве сакаат.

Доколку не работите на себе и среќата ја црпите само од партнерот, одговорноста за вашата среќа секогаш ќе ја префрлате на партнерот. А тоа не е баш паметно. Како резултат на овој недостаток на внатрешна среќа, секогаш пребрзо се врзувате за луѓето, а тоа трае само кратко, по што повторно останувате несреќни.

3. Максимална посветеност

Почетната возбуда од запознавањето со некој нов и интересен лик ве тера да ја потрошите целата своја енергија и време на таа конкретна личност. Вие сте толку хипер-фокусирани на таа личност што секој друг аспект од вашиот живот – семејството, пријателите и вашите интереси – се споредни. Вака само лоша услуга ќе си направите. Со фокусирање на оваа врска и само на неа, сите други ќе страдаат од вашето отсуство. Тие на крајот ќе се откажат од вас, а вие ќе останете без ништо.

  1. Сонувате да имате некој посебен

Соништата се фантастични почетници за акција, без разлика за која акција зборуваме. Идеализацијата пак е мајка на секое разочарување. Но, ако вашиот животен сон е да пронајдете некој посебен и да го поминете животот заедно додека смртта не ве раздели, тогаш може да имате проблеми со тоа што лесно ќе се врзете за некого. Брзо станувате воодушевени кога ќе почувствувате дека сте нашле некого затоа што сакате да бидете во посветена, долгорочна врска со некој што ве сака, почитува и верува. Кога ќе сретнете некој со кој имате длабока врска и кој вистински ве разбира, вие сте пресреќни, па за да не направите грешка вие почнувате да планирате и идеализирате. Може несвесно да се убедувате дека со некого си одговарате ако вашиот сон за наоѓање траен партнер е силен и ако сретнете некој што може да ви помогне да го реализирате тој сон. Дури и кога тој не е баш она што сте го сакале, не можете да се откажете од мислата дека оваа личност е најдоброто што сте го откриле и да продолжите да се обидувате работите да функционираат. Продолжувате да се приврзувате повеќе додека ставате поголем акцент на потенцијалната иднина отколку на моменталната ситуација. Огромно влијание врз ова размислување имаат социјалните мрежи и романтичните филмови кои создаваат сосема погрешна слика за тоа како треба да изгледа љубовта.

  1. Имате анксиозен стил на поврзување

За видовите на поврзување сум ви раскажала, ама еве да се потсетите. Кога некој има избегнувачки стил на поврзување, тој постојано работи на одржување на независноста во односите и избегнување да биде премногу близок и приврзан со другите.

Но, многу луѓе имаат анксиозен стил на приврзаност. Најчесто, стилот на приврзаност што ќе го развиете  зависи од вашата околина во детството. Во текот на вашиот живот, други врски исто така може да имаат влијание врз типот на вашата приврзаност. Анксиозниот тип на поврзување, често копнее за интимност. За да го импресионирате партнерот во романтична врска, би можеле да одите над и подалеку, дури и ако тоа значи да излезете надвор од вашите сопствени граници. Вашата потреба за постојана блискост и каква било непријатност што ја имате кога нешто се чувствува „погрешно“ во вашата љубовна врска, исто така може да го совладаат вашиот романтичен партнер. Ако вашиот партнер почне да се однесува поинаку, тоа може да предизвика вашиот страв од отфрлање и напуштање. Иронично, колку повеќе се трудите да направите идеална врска, толку повеќе вашиот партнер може да се оддалечи од вас.

  1. Од интимност до приврзаност

Сексот може да биде уште една причина поради која лесно се врзувате за некого. Само застанете за секунда и размислете дали се впуштате во сексуални активности во раните фази на врската со некого и како тоа влијае на вашата благосостојба. Вашата потсвест по сексот ќе почне да мисли дека вие и личноста со која сте во сексуална активност имате посебна врска. Се наоѓате себеси како размислувате за некој со кој сте спиеле цело време, очекувате работите да станат посериозни и имате фантазии за основање семејство со него пред навистина да го запознаете. Ова само создава токсична врска и за вас и за другата личност.

  1. Ги следите емоциите, а не логиката

Донесувањето одлуки засновани на емотивно ниво ве прави навистина ранливи. На пример, може да станете прилично вознемирени и да испратите до партнерот дрска порака, ако некој не ви испрати порака. Или можете веднаш да испратите порака кога ќе се чувствувате осамено и да побарате да ве утешат. Или можеби се обраќате за потврда кога се чувствувате љубоморни.

Прекрасно е да се биде со некого и да се има здрава приврзаност кон него. Некој кој ќе ги слуша вашите емоции, ќе може соодветно да реагира и ќе направи да се чувствувате добро. Сепак, треба да избегнувате целосно да се потпирате на една личност за целото ваше емоционално исполнување. Вашата емоционална состојба е целосно под ваша контрола. Од клучно значење е да направите чекор назад и да вежбате да се смирувате пред да дејствувате, ако откриете дека секогаш реагирате врз основа на тоа како се чувствувате во тој момент.

  1. Ретко добивате внимание

Како резултат на ниската самодоверба, во моментот кога некој ќе покаже интерес да разговара со вас, па дури и да има секс, ја користите можноста затоа што имате страв од напуштање и мислите дека тоа може да ви биде последно. Во оваа збркана ситуација, целосно ја губите својата самодоверба и само сакате да ја задржите таа личност во вашиот живот што е можно подолго.

  1. Вие сте бомбардирани со љубов

Можно е да сте биле бомбардирани со љубов. Љубовното бомбардирање е сериозно оружје на манипулаторите. Кога некој на почетокот постојано ве опсипува со внимание и наклонетост, се вели дека е „бомбардирање со љубов“ затоа што сака да станете приврзани за него. Нарцисистите често ја користат манипулативната техника на „бомбардирање со љубов“ затоа што ги прави да се чувствуваат добро што имаат некој зависен од нив. Ако сте биле таргет на почетокот сè може да изгледа прекрасно! Да добивате комплименти, некој да ви покаже љубезност и да поминувате време заедно звучи прилично одлично. И пред да сфатите, емоционалната приврзаност тропа на вашата врата.

Работете на себе и научете да ги контролирате вашите емоции и потреби. Не до степен да немате емоции, туку до степен да не доминираат емоциите над вашите граници и критериуми кои си ги поставувате и да излегувате од секоја врска со згазено достоинство.